43
ਸਰਹਾਲੀ (ਪੰਜਾਬ)/ਰਾਬਤਾ ਨਿਊਜ਼: ਅਕਾਲ ਅਕੈਡਮੀ ਭੁਲੱਥ ਦੇ ਗੱਤਕਾ ਅਧਿਆਪਕ ਤੇ ਗੁਰੂ ਨਾਨਕ ਜਹਾਜ਼ ਫਿਲਮ ਦੇ ਅਦਾਕਾਰ ਸੋਂਧ ਸਿੰਘ ਦੀ ਭੇਦਭਰੇ ਹਾਲਾਤ ਵਿਚ ਲਾਸ਼ ਮਿਲੀ ਹੈ।ਉਹ ਕਈ ਦਿਨਾਂ ਤੋਂ ਗੁੰਮਸ਼ੁਦਾ ਸੀ ਕਿ ਅੱਜ ਕਪੂਰਥਲਾ ਨੇੜੇ ਸੜਕ ਦੇ ਕੰਢੇ ਤੋਂ ਉਸ ਦੀ ਗਲ਼ੀ ਸੜੀ ਲਾਸ਼ ਮਿਲੀ ਹੈ। ਸੋਂਧ ਸਿੰਘ ਦੇ ਪਰਿਵਾਰ ਨੇ ਦੋਸ਼ ਲਾਇਆ ਹੈ ਕਿ ਪੁਲਸ ਨੇ 5 ਦਿਨਾਂ ਵਿਚ ਕੁਝ ਨਾ ਕੀਤਾ ਜਦਕਿ ਕੁਝ ਪ੍ਰਤੱਖਦਰਸ਼ੀਆਂ ਨੇ ਦੱਸਿਆ ਸੀ ਕਿ ਦੋ ਕਾਰਾਂ ਵਾਲੇ ਸੋਂਧ ਸਿੰਘ ਨੂੰ ਚੁੱਕ ਕੇ ਲੈ ਗਏ ਸਨ।
ਸੋਂਧ ਸਿੰਘ ਨੇ ਪਿੱਛੇ ਜਹੇ ਰਿਲੀਜ਼ ਹੋਈ ਫਿਲਮ ਗੁਰੂ ਨਾਨਕ ਜਹਾਜ਼ ਵਿਚ ਕੰਮ ਕੀਤਾ ਸੀ ਤੇ ਉਹ ਤਰਨਤਾਰਨ ਜਿਲ੍ਹੇ ਦੇ ਕਸਬਾ ਸਰਹਾਲੀ ਦਾ ਰਹਿਣ ਵਾਲਾ ਸੀ।
