ਜੰਮੂ ਕਸ਼ਮੀਰ, 14 ਮਈ (ਰਾਬਤਾ ਨਿਊਜ਼) – ਕਸ਼ਮੀਰ ਵਾਦੀ ਦੇ ਪੁੰਛ ਸੈਕਟਰ ਤੋਂ ਦੁਖਦਾਈ ਖ਼ਬਰ ਹੈ ਕਿ 12 ਸਾਲਾਂ ਦੇ ਦੋ ਜੁੜਵੇਂ ਬੱਚੇ, ਉਰਬਾ ਫਾਤਿਮਾ ਅਤੇ ਜ਼ੈਨ ਅਲੀ ਦੀ ਸਰਹੱਦ ਉੱਤੇ ਹੋ ਰਹੀ ਗੋਲੀਬਾਰੀ ਵਿੱਚ ਮੌਤ ਹੋ ਗਈ ਹੈ। ਉਰਬਾ ਅਤੇ ਜ਼ੈਨ ਨੂੰ ਬਚਾਉਣ ਦੀ ਕੋਸ਼ਿਸ਼ ਵਿੱਚ ਉਨ੍ਹਾਂ ਦੇ ਚਾਚੇ ਨੇ ਵੀ ਆਪਣੀ ਜਾਨ ਖ਼ਤਰੇ ਵਿੱਚ ਪਾਈ, ਪਰ ਉਹ ਉਨ੍ਹਾਂ ਨੂੰ ਬਚਾ ਨਾ ਸਕੇ। ਉਨ੍ਹਾਂ ਨੂੰ ਤੁਰੰਤ ਹਸਪਤਾਲ ਲਿਜਾਇਆ ਗਿਆ, ਪਰ ਉਦੋਂ ਤੱਕ ਬਹੁਤ ਦੇਰ ਹੋ ਚੁੱਕੀ ਸੀ।

ਸਿਰਫ਼ ਪੰਜ ਮਿੰਟਾਂ ਦੇ ਫਰਕ ਨਾਲ ਜਨਮੇ ਇਹ ਦੋਵੇਂ ਬੱਚੇ ਹਮੇਸ਼ਾ ਇਕੱਠੇ ਹੀ ਰਹਿੰਦੇ ਸਨ। ਉਨ੍ਹਾਂ ਦੇ ਪਿਤਾ, ਰਮੀਜ਼, ਜੋ ਇੱਕ ਅਧਿਆਪਕ ਹਨ, ਵੀ ਗੰਭੀਰ ਜ਼ਖਮੀ ਹਨ ਅਤੇ ਹਸਪਤਾਲ ਵਿੱਚ ਆਪਣੀ ਜ਼ਿੰਦਗੀ ਦੀ ਲੜਾਈ ਲੜ ਰਹੇ ਹਨ। ਉਨ੍ਹਾਂ ਨੂੰ ਅਜੇ ਤੱਕ ਇਹ ਭਿਆਨਕ ਖ਼ਬਰ ਵੀ ਨਹੀਂ ਦੱਸੀ ਗਈ ਹੈ। ਪੁੰਛ ਜ਼ਿਲ੍ਹੇ ਵਿੱਚ ਹੁਣ ਤੱਕ16 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।

ਵਰਕ ਪਰਮਿਟ ਤੇ ਕੈਨੇਡਾ ਰਹਿ ਰਹੇ ਨੌਜਵਾਨ ਦੀ ਪਾਣੀ ਵਿੱਚ ਡੁੱਬ ਜਾਣ ਕਾਰਨ ਮੌਤ